ថ្ងៃដ៏រីករាយ ខ្ញុំពេញចិត្តជាមួយនឹង គ្រូៗក្នុងសាលា
7:58 PM Around me , High School , Memories , My Diary 0 Comments

គឺជាថ្ងៃដែលខ្ញុំទទួលបានរង្វាន់សិស្សជាប់ចំណាត់ថ្នាក់ល្អ នៅក្នុងថ្នាក់ J

ថ្ងៃច៍ន្ទ ទី ២០ ខែកុម្ភះ ឆ្នាំ ២០១២

ក្នុងសាលាវិទ្យាល័យបាក់ទូក ខ្ញុំបានអង្គុយរងចាំគ្រូបន្ទុកថ្នាក់នៅក្នុងថ្នាក់រៀន ជាមួយនឹងសិស្សដទៃទៀតដែលរៀនជាមួយគ្នា ក្នុងចិត្តនាំគ្នាគិតថា គ្រូច្បាស់ជាមិនបង្រៀនទៀតហើយ តែការរងចាំមួយសន្ទុះក្រោយមកលោកគ្រូបន្ទុកថ្នាក់ ក៏បានដើរចូលមកក្នុងថ្នាក់ រួចបាននិយាយនេះនិយាយនោះមកកាន់សិស្ស លុះបន្តិចក្រោយមកលោកគ្រូក៏ងាកមុខមកមើលខ្ញុំ ហើយនិយាយមកកាន់ខ្ញុំថា មើលទៅត្រូវតែអោយខ្ញុំកាន់សៀវភៅសំរង់អត្ថបទមួយរយះដើម្បីជំនួសការអវត្តមានរបស់ ប្រធានថ្នាក់ស្រី ។ តែខ្ញុំគិតថាខ្ញុំមិនអាចសប្បាយចិត្តនឹងរឿងនេះបាននោះឡើយ ។

នៅក្នុងថ្ងៃដដែលនៃម៉ោងបន្ទាប់...

លោកគ្រូបន្ទុកថ្នាក់បានចេញបាត់ទៅហើយ ចំនែកម៉ោងនេះគឺ ជាម៉ោងភាសាខ្មែរ អ្នកគ្រូបានមកដល់ក្នុងថ្នាក់ទៀតហើយ គាត់ប្រាប់ថាគ្មានចិត្តក្នុងការបង្រៀនពួកខ្ញុំនោះទេ ព្រោះស្រីៗនៅក្នុងថ្នាក់មាត់ឡូឡាខ្លាំងណាស់! គាត់ក៏បានប្រាប់់អោយខ្ញុំដើរប្រមូល សៀវភៅសិក្សារបស់មិត្តនៅក្នុងថ្នាក់ទាំងអស់យកទៅកែ ហើយក៏បានយកលេខទូរស័ព្ទរបស់ខ្ញុំទៅ ដើម្បីពេលរួចរាល់គាត់នឹង តេមកប្រាប់ ។ តែមិនអាចនោះទេ ព្រោះសិស្សក្នុងថ្នាក់ចេញទៅផ្ទះអស់ទៅហើយ ។ លើកនេះគ្រូថាអោយខ្ញុំខ្លះៗ តែក៏បានទទួលនៅការសរសើរខ្លះៗដែរ ។

នៅតុអង្គុយលេង របស់អ្នកគ្រូលោកគ្រូ ក្រោមដើមឆ័ត្រធំមួយ...

ខ្ញុំបានទៅទទួលសៀវភៅដែលអ្នកគ្រូខ្មែរ ដែលគាត់កែរួចរាល់ហើយទៅចែកមិត្តក្នុងថ្នាក់ ។

ពេលទៅដល់...មានអ្នកគ្រូខ្មែរ នាយិកា គ្រូបន្ទុកថ្នាក់ បានអង្គុយជុំគ្នាហូបស្វាយជាមួយនឹងកាពិ :P .។

នាយិកាបានមើលមុខរបស់ខ្ញុំ ហើយសួរមកខ្ញុំថា “ ហ្អែងនឹងមែនទេ?ដែលជាប់លេខ ៣?”

ខ្ញុំក៏បានឆ្លើយទៅកាន់គាត់វិញថា “ បាទអ្នកគ្រូ! ប្រលងឆមាសទី១ ខ្ញុំជាប់លេខ ៣”

ពេលនេះគ្រាន់តែអ្នកគ្រូខ្មែរលឺភ្លាម ក៏សួរមកកាន់ខ្ញុំទៀតថា “ ហើយចុះនរណាគេជាប់លេខ១?”

“ អឺ !! គឺជាប្រធានថ្នាក់ប្រុសរបស់ខ្ញុំណាអ្នកគ្រូ” ខ្ញុំនិយាយ

ចំពេលនោះទៀត អ្នកគ្រូខ្មែរខ្ញុំក៏ និយាយទៅកាន់អ្នកគ្រូនាយិកាបន្ត “សម តែអោយ វឌ្ឍនៈជាប់លេខមួយ ទើបត្រូវ ព្រោះអី នៅក្នុងថ្នាក់វាខំរៀនជាងគេ” ហិហិហិ ខ្ញុំគ្រាន់តែលឺភ្លាមក៏ទ្រាំនឹងឆ្លើយមិនបាន “ គឺខ្ញុំខំប្រឹងដែរ តែមិនដឹងថា ហេតុអ្វីទើបមិនអាចយកលេខមួយបាននឹងណាអ្នកគ្រូ” ស្របពេលនោះអ្នកគ្រូ នាយិកាក៏និយាយបន្តទៀត “អឺ ម៉ោពីគ្រូដាក់ពិន្ទុអោយ ហ្អែងអយុត្តិធម៍ពេកនឹងណា!” ហាហហា ខ្ញុំក៏សើចលេងជាមួយនឹងអ្នកគ្រូលោកគ្រូ ^^

ស្របនឹងពេលនោះដែរ ខ្ញុំក៏ត្រូវបានការស្តីបន្ទោសពី អ្នកគ្រូ នាយិកា ថា “ហើយ ម៉េចហើយ? គ្រាន់តែទៅបើករង្វាន់សិស្សពូកែសោះ ក៏អោយអញ តឿនដែរហ្អាស!” ( ពីព្រោះតែ ប៉ុន្មានថ្ងៃមុន គ្រូបន្ទុកថ្នាក់របស់ខ្ញុំ គាត់មិនទាន់បានប្រាប់ពីលទ្ធផលដល់ខ្ញុំទើប ធ្វើអោយខកខានពេលទៅបើក តែពេលនេះ បន្ទាប់ពីអ្នកគ្រូនាយិកា ថាអោយហើយ គាត់ក៏បានប្រាប់អោយខ្ញុំ ពេលដល់ម៉ោងចេញទៅផ្ទះ សឹម ដើរទៅទីចាត់ការជាមួយនឹងអ្នកគ្រូ ហើយចុះហត្តលេខា ទទួលរង្វាន់ជា មួយគាត់ទៅចុះ ) ហាហា ថ្ងៃនោះគឺជាថ្ងៃមួយដែលខ្ញុំមានចិត្តសប្បាយរីករាយជាងខ្លាំង ដោយបាននិយាយត្រូវដៃ ត្រូវជើងជាមួយនឹង អ្នកគ្រូនឹងលោកគ្រូ នៅក្នុងថ្ងៃតែ មួយ ^^

ចំពោះរង្វាន់លើកទឹកចិត្ត នៅក្នុង ឆមាសទីមួយនឹង ខ្ញុំទទួលបានចំណាត់ថ្នាក់លេខបី ហើយក្នុងមួយកញ្ចប់រង្វាន់គឺ មានសៀវភៅសរសេរដៃ ៥ក្បាល ប៊ិច២ដើម នឹងបន្ទាត់មួយ ។ វាមិនមែនជារបស់ធំដុំណាស់ណាទេ តែខ្ញុំពេញចិត្តវាខ្លាំងណាស់ ^^ ។