.png)
រោគសញ្ញាជំងឺផ្លូវចិត្ត ([[[(ស្វែងយល់ពីខ្លួនឯង)
“សំរាប់ថ្ងៃនេះគឺជាថ្ងៃថ្មី គឺជាថ្ងៃដែលថ្មីបំផុតសំរាប់ជីវិតទៀតហើយ” តើនេះគឺជាសំដីរបស់អ្នកជំងឺដែលមានបញ្ហាផ្លូវចិត្តតើមែនទេ? ...
ថ្ងៃនេះខ្ញុំបានស្វែងយល់ពីខ្លួនឯង នៅចំនុចចំលែកៗដែលមិត្តភក្តិក្នុងវិទ្យាល័យម្នាក់ៗ នាំគ្នាមានចំងល់មកលើខ្លួនខ្ញុំគ្រប់ពេលវេលា ចាប់តាំងតែពីខ្ញុំបានឈានចូលមកក្នុងជំនាន់ទី ១១ ក្នុងថ្នាក់ទី១១នេះឯង ... តើខ្ញុំបានក្លាយទៅជាអ្នកជំងឺផ្លូវចិត្តបែបនេះតើមែនទេ?
នៅពេលនេះ ខ្ញុំស្ទើរតែមិនជឿនឹងមានភាពភ្ញាក់ផ្អើលនឹងខ្លួនឯង នៅពេលដែលខ្ញុំបានសិក្សាមេរៀនមួយនេះនៅក្នុងសាលា ស្តីពី “ភាពតានតឹង” ដែលជាចំនែកមួយនៃជំងឺផ្លូវចិត្ត
[[ ការតានតឹងគឺជា ប្រតិកម្មឆ្លើយតបទៅនឹងបញ្ហា ឫហេតុការណ៍ផ្សេងៗដែលបង្កការលំបាក ឫការគំរាមកំហែងដល់ផ្លូវចិត្ត ]]
ដោយឡែកចំពោះមុខសញ្ញាដែលខ្ញុំបានចាប់អារម្មណ៍មកលើខ្លួនឯងកន្លងមកនេះគឺ
ជារោគសញ្ញាផ្លូវចិត្ត ដែលបង្ហាញអោយឃើញមាន៖
ü មួម៉ៅ ឆេវឆាវ ឆាប់ខឹង ឆាប់ច្រឡោត
ü នឿយណាយ ធុញថប់ក្នុងអារម្មណ៍ ភ្លេចភ្លាំងច្រើន ភ័យខ្លាច
ü ខ្វល់ខ្វាយ គិតព្រួយច្រើន ស្រងូតស្រងាត់ ពិបាកផ្ងង់អារម្មណ៍ក្នុងការងារ និងការរៀនសូត្រ
ü អារម្មណ៍មិនមូល គិតតែរឿងដដែលៗមិនឈប់ឈរ ព្រួយបារម្ភ អស់សង្ឃឹម។
រោគសញ្ញារាងកាយ
- ឈឺក្បាល វិលមុខ ចុករួយសាច់ដុំ ឈឺសន្លាក់ដៃជើង
- បរិភោគអាហារមិនសូវបាន សម្រាន្តមិនលក់ ឈឺក្រពះ ខ្វះជាតិស្ករ រឺរោគផ្សេងៗ
- ណែនទ្រូង ដង្ហើមផុតៗ ឆ្អល់ពោះ។
រោគសញ្ញានៃអាក្បបកិរិយា
- មិនរួសរាយរាក់ទាក់ និងចូលចិត្តភាពឯកោ គ្មានមិត្តភក្តិ
- សកម្មភាពចុះខ្សោយ ពេលខ្លះក៏សកម្មនឹងការងារហួសហេតុមិនសំរាក (ដូចជាពេលរៀនជាដើម)។
ទាំងអស់នេះគឺជារោគសញ្ញារបស់ខ្ញុំដែលខ្ញុំបានចាប់ភ្លឹកមើលមកលើខ្លួនឯង នឹងដោយមានមូលហេតុជាច្រើនគួបផ្សំផងនោះ គឺ ជាបុព្វហេតុដែលបណ្តាលអោយមានវិបត្តិផ្លូវចិត្តបែបនេះ គឺ មកពីរឿងជាច្រើនដែលកើតឡើងប្រទាក់គ្នា ធ្វើអោយគិតច្រើនពេក ដូចជា ៖ បញ្ហាគ្រួសារ រឿងសិក្សា បញ្ហាមិត្តភក្តិ នឹងជាចំណងនៃយុវវ័យដែលមិនអាចជៀសបានគឺបញ្ហាអារម្មណ៍ស្នេហា …. នេះគ្រាន់តែជាអ្វីដែលបានកើតឡើងចំពោះ ខ្ញុំ ។
រឿងបែបនេះ ខ្ញុំបានជ្រុលខ្លួនឯងអោយក្លាយទៅ ជាមនុស្សឯកោ រយះពេលជាង១ឆ្នាំ ដោយការជ្រើសរើសភាពគ្មានមិត្ត នឹងសំរេចធ្វើអ្វីៗដោយខ្លួនឯងគឺជាចំហរ របស់ខ្ញុំដើម្បីអោយខ្លួនឯងក្លាយទៅជាមនុស្សរឹងមាំ ( តែខ្ញុំមិនដឹងនោះទេថា ការគិតរបស់ខ្ញុំជាការល្អរឺ មួយអាក្រក់) ។
ជាមួយគ្នានេះដែរ ខ្ញុំនឹងព្យាយាម កែប្រែខ្លួនឯងដោយផ្អែកលើ
វិធីសាស្រ្តសាមញ្ញ ទាំងនេះ……
- ការសំរាកលំហែកាយ
- ស្តាប់តន្ត្រី
- អានសៀវភៅ
- ការធ្វើដំណើរកំសាន្ត
- នឹងជួបជុំមិត្តភក្តិ
- ព្យាយាមទទួលយកការលើកទឹកចិត្តល្អៗពីសំ ណាក់ចាស់ព្រឹកទ្ធាចារ្យ នឹងអ្នកដែលមានវ័យ នឹងបទពិសោធច្រើនជាង ។ល។
គឺអស់ហើយ តើចំពោះអ្នកគិតយ៉ាងណាដែរ?ព្យាយាមស្វែងយល់ពីខ្លួនឯងអោយបានល្អក៏ជាចំនុចមួយដែល គិតពីខ្លួនឯង និងការពារខ្លួនឯងពីជំងឺអ្វីៗដែលអ្នកមិនចាប់អារម្មណ៍ ….
My High School life Diary….
