.png)
មកពីលេងស្រុកកំណើតវិញ
ពេលនេះខ្ញុំដឹងថាកំណត់ហេតុបិសាចរបស់ខ្ញុំ បានចាប់ផ្តើមបើកទំព័រសំរាប់ខែថ្មីនេះហើយ J
គឺអ្វីៗវាត្រូវតែមាន លើកដំបូង រហូតដល់ចុងបញ្ចប់! ចំនែកឯលើកដំបូងរបស់ខ្ញុំនោះ គឺជាថ្ងៃដំបូងនៃដើមខែមេសានេះតែម្តង ក្នុងថ្ងៃទីមួយ ខែមេសា ឆ្នាំ ២០១២...
វគ្គកំសត់
ដូចបានរៀបរាប់នៅក្នុងប្រកាសមុន រៀបចំអីវ៉ាន់ចេញដំណើរថ្ងៃនេះហើយ ។ គឺចេញទៅហើយគឺខេត្តពោធិសាត់ស្រុកកំណើតរបស់ខ្ញុំ ។ ហើយក្នុងរយះពេលត្រឹមមួយសប្តាហ៍ ដែលដូចជាខ្ញុំបាននាំប្អូនស្រីខ្ញុំដែលនាងមករៀននឹងស្នាក់ជាមួយនឹងខ្ញុំក្នុងក្រុងនោះ ទៅលេងនឹងប៉ាម៉ាក់នៅឯខេត្ត ។ ថ្ងៃទី ១,២,៣,៤,៥,៦,៧ សរុបចូលគ្នា បូករួមនឹងភាពកង្វល់នឹងការស្មុគ្រស្មាញ ថ្ងៃទីមួយ ដោយជួយដោះស្រាយរឿងតិចតួចក្នុងគ្រួសារជាមួយពុកម៉ែ បិតវង់ក្រចក ។ ថ្ងៃទី២ ទៅសែនឆេងម៉េញ ព្រោះថាខ្ញុំគឺជាកូនកាត់ចិន តែខ្ញុំមើលមកខ្លួនឯង មិនដែលឃើញចិនត្រង់ណាផង ។ ថ្ងៃទី៣ នៅផ្ទះដូចថ្ងៃទីមួយដែរ គឺរឿងគ្រួសារទៀតហើយ ។ ថ្ងៃទី៤ គឺនៅចាំផ្ទះជាមួយនឹងម៉ែ ដោយម៉ែ គាត់ឈឺ ហើយចំថ្ងៃដែលត្រូវទៅសែនផ្នូរយាយធំទៀត ខ្ញុំក៏មិនបានទៅដែរ ព្រោះម៉ែមិនអាចនៅម្នាក់ឯងបាន។ ថ្ងៃទី៥ ទី៦ ខ្ញុំបាននៅផ្ទះជាមួយពុកម៉ែ នឹងប្អូនស្រីដោយក្តីសុខនឹងភាពស្មុគ្រស្មាញ ដោយរឿងក្នុងគ្រួសារទៀតហើយ ។
វគ្គសប្បាយ
ដោយទៅភ្លាមក្នុងថ្ងៃទី១ ខ្ញុំបានដកប្រាក់ដែលជារង្វាន់របស់ពូខ្ញុំអោយសំរាប់ការសិក្សាបានល្អ ទៅជួយទិញឈើបង្គោលសង់រោង ពង្រីកទីធ្លាសិប្បកម្មស្រាសរ របស់ប៉ាបានចំនួន ២៣ដើម ដែលគិតជាប្រាក់ ១០៣៥០០៛ បែបនេះមិនគួរប្រាប់ទេ តែនេះគឺជាកំណត់ហេតុរបស់ខ្ញុំ _-_ . បញ្ជាក់អោយឃើញថា ខ្ញុំបានធ្វើបុណ្យជាមួយពុកម៉ែបានបណ្តើរៗហើយ :D ។ ចប់មួយវគ្គសិន....
Related Posts
