.png)
អារម្មណ៍មួយពេលដែលបាត់ប្រាក់យ៉ាងក្រាសក្រែល L
ខ្ញុំគិតថាព្រឹកនោះគឺដូចជាព្រឹកកន្លងមកដែលខ្ញុំងើបមកគ្រាន់តែលុបមុខចេញ ដុសធ្មេញនឹងបើកកុំព្យូទ័រលេង ។ នៅមិនសុខក៏នឹកឃើញដល់រឿងដែលម៉ាក់ផ្តាំមុននឹងគាត់ត្រលប់ទៅខេត្តវិញ ថាត្រូវដាំទឹកញុំាអោយបានច្រើនៗទើបឆាប់ធំនឹងគេ ។ ខ្ញុំក៏នឹកឃើញថាត្រូវទៅផ្សារទៅទិញធ្យូងមកបង្កាត់ភ្លើង ក៏បើកហឹបដាក់ប្រាក់ទាញយកកាបូបលុយ តែចេះតែឆ្ងល់ចុះលុយម្ហូបរបស់ខ្ញុំទៅណាបាត់ហើយ ? ខ្ញុំក៏មិនសូវខ្វល់ព្រោះគិតថាប្រហែលជាការយល់សប្តិនឹងភាពលេងសើចនឹងខ្លួនឯងផង ។ ក្រោយពីបន្មាននាទីក្រោយមកវាប្រៀបដូចជាសុបិន្តមួយអីចឹង L ខួរក្បាលរបស់ខ្ញុំបែរជាធូរដូចជាសំលី រកគិតស្អីក៏មិនចេញ ប្រៀបដូចជាកំពុងតែស្ថិតក្នុងយល់សប្តិមួយ ដែលនូវឡើយមិនទាន់បញ្ចប់ L ខ្ញុំគិតថាបើសិនជាខ្ញុំបើកហិបដាក់ប្រាក់ម្តងទៀត អ្វីៗគ្រប់យ៉ាងវានឹងអាចត្រលប់មកដូចដើមវិញជាមិនខាន L តែវាខុសបាត់ទៅហើយ វាបាត់អស់ហើយ ខ្ញុំបានដាស់បងៗដែលកំពុងតែគេងអោយភ្ញាក់មកជួយរកវា ក្នុងសៀវភៅ នឹងទីកន្លែងផ្សេងៗដែលខ្ញុំតែងតែដាក់ ។ តែអ្វីដែលបានមកវិញត្រឹមតែពាក្យស្តីថា វាបាត់ៗទៅហើយ តើខ្ញុំខំរកទៀតមានន័យអ្វី? L ហើយក៏បានសួរហេតុផលដែលបានឃើញពីអ្នកផ្ទះ ពួកគេប្រាប់ថា យប់ម៉េចគេមកពីធ្វើការម៉ោង២យប់ក៏ឃើញទ្វារផ្ទះចំហរ ហើយក៏មិនបានចាប់អារម្មណ៍ដោយសារតែងងុយដេកពេក ។ តែខ្ញុំចាំបានច្បាស់ណាស់ថាអ្វីៗខ្ញុំមិនដែលប្រហែលបែបនេះទេ មុនគេងខ្ញុំចាក់សោរគ្រប់ច្រកល្ហក សូម្បីតែហិបប្រាក់ ខ្ញុំក៏ចាក់ដែរ ហើយក៏ចំលងទុកមួយច្បាប់ជាមួយនឹងច្បាប់ដើមទុកក្នុងកាតាបទៅសាលាជាមួយគ្នា ។
ព្រឹកឡើង បាត់លុយម្ហូបអស់ បែរជាសល់លុយក្នុងកាបូបដៃខ្ញុំទាំងអស់វិញ។ ខ្ញុំគិតថាវាមិនមែនជាចោរក្រៅផ្ទះលួចនោះទេ ហើយក៏មិនមែនជាបងប្អូនខ្ញុំជាអ្នកយកនោះដែរ ចោរនោះខ្ញុំស្គាល់មុខវាច្បាស់ណាស់។ តែខ្ញុំមិនអាចធ្វើអ្វីវាបាន ។ ក្រោយពេលដែលខ្ញុំបានចាប់អារម្មណ៍នឹងតាមដាន ខ្ញុំឈឺចាប់ណាស់ដែលចោរនោះស៊ីចាយសប្បាយនឹងគំនរទុករបស់ខ្ញុំ ។ ខ្ញុំគិតថាវានឹងសងខ្ញុំវិញនៅថ្ងៃក្រោយជាក់ជាមិនខាន ហើយក៏ចង់អោយវាស្ពាយយកទុក្ខរបស់ខ្ញុំទៅតាមខ្លួនផងដែរ ។ ខ្ញុំឈឺចាប់ពេកនេះហើយជាកំណត់ហេតុដ៏ហួសហេតុរបស់ខ្ញុំ ។ សូមកុំទុក្ខចិត្តមនុស្សមុខមាត់នឹងអត្តចរិកក្លែងក្លាយអោយសោះ ។
