ពេល​វេ​លា​នឹង​ព្យា​បាល​របួស​យើង​អោយ​សះ​ស្បើយ​

5:44 PM 0 Comments

សេចក្តី​កង្វល់​កន្លង​ផុត​ទៅ​ អ្វី​ដែល​អោយ​យើង​យំសោក​ នឹង​ត្រូវ​បាន​បំ​ភ្លេច​ចោល​យ៉ាង​ឆាប់​រហ័ស​។​ អ្នក​អាច​នៅ​ចាំ​ថា​ អ្នក​បាន​ស្រែក​យំ​ ប៉ុន្តែ​មិន​បាន​ចង​ចាំ​ថា​ ហេត​អ្វី​បាន​ជា​អ្នក​បាន​ធ្វើ​យ៉ាង​នោះ​ទេ​! នៅពេល​ដែល​យើង​បាន​ចម្រើន​វ័យ​ធំ​ឡើង​ ហើយ​បាន​ឆ្លង​កាត់​ជី​វិត​រស់​នៅ​ យើង​តែ​ង​តែ​ខ្វល់​ញឹក​ញយ​ ចំពោះហេតុ​យ៉ាង​ម៉េច​ដែល​យើង​ដេក​មិន​លក់​នៅ​ពេល​យប់​ ដោយ​បណ្តោយ​អោយ​គំ​និត​ដដែល​រត់​ឆ្លង​កាត់​សន្តាន​ចិត្ត​យើង​ ដែល​ពាក់​ព័ន្ធ​នឹង​ការ​ត្រិះ​រិះ​ថា​ តើ​ហេតុ​ដូច​ម្តេច​បាន​ជា​យើង​មាន​គំ​នំ​? យើង​អាច​ច្រ​ឡោត​ខឹង​ភ្លាម​ៗ​ ចំ​ពោះ​រឿង​អ្វី​មួយ​ ហើយ​ក្រោយ​បន្តិច​មក​ចង់​ដឹង​ថា​យើង​ក្រោធ​ខឹង​ពី​រឿង​អ្វី​ ហើយ​យើង​ភ្គាក់​ផ្អើល​ដោយ​ដឹង​ថា​យើង​ចំ​​ណាយ​ពេល​ និង​កម្លាំង​ឥ​ត​ប្រ​យោជន៍​ យើង​បាន​បន្ថយ​​ភាព​ក្រោធ​ខឹង​ដោយ​ចេតនា​ក្នុ​ងពេល​ដែល​យើង​អាច​បញ្ឈប់​កំ​ហឹង​នោះ​បាន​ ហើយ​ចាប់​ផ្តើម​ត្រិះ​រិះ​ អំ​ពី​រឿង​អ្វី​ផ្សេង​ល្អ​ជាង​



ទោះ​បី​ជា​​សេច​ក្តី​ព្រួយ​កង្វល់​របស់​យើង​ជា​អ្វី​ក៏​ដោយ​ ហើយ​ទោះមាន​អា​រម្មណ៍​ឈឺ​ចាប់​យ៉ាង​ណា​ក៏​ដោយ​ ក៏​ពេល​វេ​លា​នឹ​ងព្យា​បាល​របួស​ចិត្ត​របស់​យើង​។​ ប៉ុន្តែ​ប្រា​កដ​ណាស់​ វា​ត្រូវ​តែ​មាន​អ្វី​មួយ​ ដែល​យើង​អាច​ធ្វើ​ដើ​ម្បី​រក្សា​ខ្លួន​យើង​កុំ​អោយ​ ប៉ះ​ទង្គិច​ជា​មុន​សិន​។​ តើ​ហេតុ​អ្វី​ក៏​យើង​បណ្តោយ​អោយ​អ្នក​ដទៃ​ ឬ សេច​ក្តី​ព្រួយ​កង្វល់​មក​បង្ខាត​កម្លាំង​របស់​យើង​ ហើយ​ធ្វើ​អោយ​យើង​កើត​ទុក្ខ​? ចំ​ម្លើយ​គឺ​អ្នក​ដទៃ​មិន​បាន​ធ្វើ​នោះ​ទេ​ គឺខ្លួន​យើង​នោះ​ទេ​ ដែល​បាន​ធ្វើ​អោយ​ខ្លួន​ឯង​កើត​ទុក្ខ​ដោយ​ខ្លួន​ឯង​ ។

អ្នក​អាច​មាន​សេច​ក្តី​កង្វល់​ខ្លះ​នៅ​ក្នុ​ងកន្លែង​ធ្វើ​ការ​របស់​អ្នក​ ប៉ុន្តែ​អ្នក​មិន​ត្រូវ​ចម្លង​ បរិយា​កាស​អាប់​អ៊ួរ​នេះ​ទៅ​ក្នុ​ងគ្រួសារ​របស់​អ្នក​នោះ​ទេ​។ លោក​អ្នក​ត្រូវ​ដឹង​ច្បាស់​ថា​បញ្ហា​ទាំង​ឡាយ​នោះ​មាន​ទី​បញ្ចប់​របស់​វា​។ ដំ​ណោះ​ស្រាយ​អាច​រក​ឃើញ​នៅ​ក្នុ​ងការ​សម្រេច​បាន​នូវ​ការ​រំ​ដោះ​ផុត​ អំ​ពីចំ​ណង​អត្ត​ទត្ថ​ភាព​របស់​យើង​តាម​រយៈ​ការ​លុប​បំ​បាត់​ភាព​ច្រ​បូក​ច្រ​បល់​ និង​អវិជ្ជ​​ក្នុង​គ្រប់​រូប​ភាព​ ។ កាល​ណា​យើង​បរា​ជ័យ​ក្នុ​ងការ​រក​ឃើញ​ដំ​ណោះស្រាយ​ចំពោះ​បញ្ហា​ណា​មួយ​ យើង​តែង​​មាន​ទំ​នោរ​ទម្លាក់​កំ​ហុស​លើ​អ្នក​ដទៃ​ ដើ​ម្បី​លុម​លាង​ទោស​កំ​ហុស​របស់​យើង​។ យើង​មិន​បាន​ត្រៀម​ខ្លួន​ ដើម្បី​ទទួល​ស្គាល់​ចំណុច​ខ្វះ​ខាត​ផ្ទាល់​របស់​យើង​ទេ​។ វា​ជា​ការ​ងាយ​ស្រួល​ ដើម្បី​ទ​ម្លាក់​ការ​ស្តី​បន្ទោស​ទៅ​លើង​អ្នក​ដទៃ​។ តាម​ពិត​មាន​មនុស្ស​ខ្លះ​ សប្បាយ​នឹង​ប្រ​ពឹត្ត​ដូច​ច្នេះ​ ទៀត​ផង​។ នេះ​គឺ​ជា​អាកប្ប​កិ​រិ​យា​ខុស​ឆ្គង​ទាំង​ស្រុង​មិន​ត្រូវ​ប្រកាន់​យក​។​ យើង​មិន​ត្រូវ​បង្ហាញ​គំ​និត​ព្យា​បាទ​ចំ​ពោះ អ្នក​ដទៃ​ឡើង​។ យើង​ត្រូវ​ខិត​ខំ​អោយ​អស់​លទ្ធ​ភាព​ដោយ​សេច​ក្តី​ព្យា​យាម​ និង​ដោយ​ភាព​ស្ងៀម​ស្ងាត់​ ដើម្បី​ដោះ​ស្រាយ​បញ្ហា​ផ្ទាល់​ខ្លួន​របស់​យើង​។​ យើង​ត្រូវ​ត្រៀម​ខ្លួន​ប្រ​ឈម​មុខ​ដោះ​ស្រាយ​សេច​ក្តី​លំ​បាក​ណា​មួយ​ដែល​យើង​នឹង​ជួប​ប្រ​ទះ​

និ​ពន្ធ​ដោយ​ព្រះ​តេជ​គុណ​បណ្ឌិត​ ក.​ស្រី​ធម្មាន​ន្ទ​

Some say he’s half man half fish, others say he’s more of a seventy/thirty split. Either way he’s a fishy bastard.

Thanks for your like this page :)

You like this page? Do you have something to say?