.png)
The Love Story "Mazer Lover" ( High School love story ) Part 4
ប្រធានថ្នាក់សំណព្វចិត្ត
ភាគទី4
វគ្គនេះសូមផ្លាស់ប្តូរបរិយាកាសមិត្តអ្នកអាន មកជួបជាមួយនឹងតួរអង្គស្រីវិញម្តង កុំអោយរំលងពេលទៅយូរ សូមចូលរួមអានលេងទាំងអស់គ្នា!!! ^O^
តួស្រី>>>
ក្រោយពីចេញពីសាលារៀនមក ខ្ញុំក៏រត់តាមបណ្តោយផ្លូវយ៉ាងត្រហេបត្រហប តំរង់មកកន្លែងដែលខ្ញុំតែងតែមកជាប្រចាំ
តែហេតុអ្វី ថ្ងៃនេះខ្ញុំបែរជាមានអារម្មណ៍ចំលែកខុសពីធម្មតា ហាក់ដូចជាមានមនុស្សអាក្រក់ដែលតែងតែតាមមកយាយីជីវិតគ្រួសាររបស់ខ្ញុំជាប់រហូតមក ខ្ញុំក៏ប្រញាប់រត់ចូលទៅតាមច្រកតូចមួយ ដែលសឹងតែគ្មានមនុស្សម្នាក់ទាល់តែសោះ តែខ្ញុំគិតថាវាជាផ្លូវមួយដែលអាចអោយខ្ញុំរត់គេចខ្លួនពីពួកនោះបាន
ពេលដែលខ្ញុំមានអារម្មណ៍ថាស្ងប់សកម្មភាពហើយ ខ្ញុំក៏បានបន្តដំណើរទៅមុខតាមធម្មតា
“ចេញទៅពួកអាក្មេងចោរម្សៀត!!!!” សំលេងពីចំងាយ
“ ឪពុកម្តាយឯងទៅណាអស់ទៅ? ម៉េចក៏មិនចេះមើលកូនចៅសោះអឹញ្ចឹងហ្អា ?”
សំលេងនេះបានលឺចូលមកដល់ក្នុងរង្វង់ត្រចៀករបស់ខ្ញុំ ពីចំងាយ ខ្ញុំក៏ប្រញាប់រត់ទៅទីតាំងនៃសំលេងនោះភ្លាមដោយមិនយឺតយូរ
“ លោកតា! “ ខ្ញុំបានយកដៃចាប់ចង្កេះរបស់លោកតា គាត់ក៏យកដៃទាំងពីររបស់គាត់មកស្ទាបមុខរបស់ខ្ញុំយ៉ាងថ្នមៗ តាមចរិកលក្ខណៈរបស់អ្នកពិការភ្នែក ហើយក៏និយាយឡើងថា
“ អាកូនក្មេងទាំងនោះ វាមិនចេះរាងចាលសោះហើយ! ចេះតែមកលួចថ្នាំចឹញ្រ្ចំារបស់តា សឹងតារាល់ថ្ងៃ!” ខ្ញុំបានមើលទៅមុខលោកតាក្នុងទឹកមុខសង្កត់ន័យ
“ លោកតា! ចៅបានជំរាបលោកតាច្រើនដងហើយ ថាគួរតែឈប់ប្រកបរបស់នេះទៅ មើលទៅលោកតាកាន់តែចាស់ណាស់ទៅហើយ! ហើយថែមទាំងពិការភ្នែកទៀតផង! “ ខ្ញុំនិយាយទៅកាន់គាត់ដោយទឹកមុខព្រួយបារម្ភ រឺឯលោកតាវិញគិតតែពីញញឹមហាក់គ្មានរឿងអីកើតឡើងសោះ អឹញ្ចឹង!
“ ចៅស្រីហ្អា! ចៅដឹងទេ? ថាគង់តែបានថ្នាំបុរាណទំាងនេះហើយ! បានជាចៅអាចរស់នៅមានសំលៀកបំពាក់ មានញុំា មានជីវិតអាចរស់ មកដល់សព្វថ្ងៃនេះបាន! ចៅភ្លេចហើយហ្អេស? ថាតារបស់ចៅ មានញាណពិសេសនោះ? “ លោកតានិយាយដោយញញឺម នឹងលោកដៃមកអង្អែលក្បាលរបស់ខ្ញុំ
ខ្ញុំបានសំលឹងទៅកាន់មុខរបស់លោកតា ហើយដកដង្ហើមធំ រួចស្ទុះទៅអោបលោកតាដោយក្តីស្រលាញ់់
“ ចៅស្រលាញ់ លោកតាខ្លាំងណាស់! “ >.^!!
“ អឺ!!!! ល្អហើយចៅស្រីរបស់តា!!!”
“ម៉ោះ! ចាំចៅជួយសារថ្នាំអោយលោកតាត្រលប់ទៅផ្ទះវិញ មើលទៅមេឃជិតភ្លៀងទៅហើយ! :O”
“ អឺ....ល្អណាស់ចៅ !”
ខ្ញុំតែងតែប្រញាប់ចេញពីសាលាមកមើលលោកតារបស់ខ្ញុំ ដែលជាជនពិការភ្នែក តែជីវិតរបស់លោកតា គឺជាមនុស្សតស៊ូ នឹង វាសនា “ ភ្នែកតាខ្វាក់ពិតមែន តែដៃជើងតានៅល្អ អ្នកផ្សេងគេគិតថាតាខ្វាក់ តែតាមិនដែលគិតថាខ្លួនឯងខ្ចាក់នោះទេ ព្រោះជីវិតបែបនេះតារបស់នៅជាមួយនឹងភាពងងឹតសឹងតែមួយជីវិតទៅហើយ តានៅ មានចៅស្រីម្នាក់ទៀតដែលត្រូវមើលថែ! “
លោកតាស្រលាញ់ខ្ញុំខ្លាំងណាស់! គាត់បានធ្វើអ្វី ៗគ្រប់យ៉ាងដល់ខ្ញុំ រហូតដល់មានថ្ងៃមួយ មានបុរសវ័យកណ្តាលម្នាក់ បានធ្លាក់ខ្លួនឈឺ ហើយស្រាប់តែទន់ជង្គង់ ដូលសន្លប់នៅនឹងមុខទីតាំងដែលលោកតាអង្គុយលក់ថ្នាំ តាមញាញពិសេសរបស់លោកតា គាត់ក៏បានស្ទុះទៅជួយ ថែមទាំងមើលថែរក្សា បុរសម្នាក់នោះទាល់តែជា ចិត្តសប្បុរសរបស់លោកតា បានធ្វើអោយបុរសនោះ ចំពាក់គុណគាត់ដ៏ធំធេង មុនអាចភ្លេចបាន ហយក៏សង្កេតមើលមកជីវិតខ្ញុំនឹងលោកតារបស់ខ្ញុំ ដែលលំបាកវេទនាបែបនវ គាត់ក៏បានសុំលោកតាយកខ្ញុំធ្វើជាកូនចឹញ្ចឹម ដោយនិយាយពីការស្លាប់បាត់បង់ជីវិតរបស់ប្រពន្ធនឹងកូនរបស់គាត់លោកតារបស់ខ្ញុំ លោកតាខ្ញុំក៏យល់ព្រមដោយចង់អោយខ្ញុំ បានរៀនសូត្រ នឹង មានវាសនាល្អដូចក្មេងដទៃទៀត
ត្រូវហើយបុរសវ័យកណ្តាលម្នាក់នោះគឺជាលោកនាយកសាលាម្នាក់នោះហើយ ទើបខ្ញុំអាចមានជីវភាពល្អដូចសព្វថ្ងៃនេះ តែទាស់អីតែលោកតា ដែលមិនចង់ភ្លេចនៅជីវិតដើមរបស់គាត់ គាត់បានបង្រៀនខ្ញុំអោយស្កាល់នឹងយល់ពីអ្វីទៅដែលហៅថាកំណើតដើម ដូចនេះហើយខ្ញុំមិនដែលភ្លេចអ្វីដែលលោកតាបានផ្តែផ្តាំនោះទេ……
សូមដានតាមដានភាគ4ជាបន្ត ថានឹងមានអ្វីកើតឡើងចំពោះពួកគេទៀតនោះ?>>>
និពន្ធនឹងរៀបរៀងដោយ វឌ្ឍនៈ
ក្នុងឪកាសវិស្សមកាលឆ្នាំថ្មីនេះ
Related Posts
