.png)
កំណត់ហេតុបិសាចៈ ដំណើរឆ្ពោះទៅកាន់ការយល់សុបិន្ត
កំណត់ហេតុបិសាចៈ ដំណើរឆ្ពោះទៅកាន់ការយល់សុបិន្តរបស់ក្មេងប្រុសម្នាក់
ពេលនេះគឺម៉ោង១២ និង ៣០នាទីយប់ ខ្ញុំបានអង្គុយនៅលើកៅអីមួយ ដែលនៅចំពី មុខតុកុំព្យូទ័ររបស់ខ្ញុំ ទាំងដៃឆ្វេងនៅកាន់ប៊ិចមួយដើមជាប់នឹងដៃ សរសេរចុះសរសេរឡើង គូសវាសពេញតែក្រដាស មិនដឹងជាស្អី ។ ម៉ោង១២ និង៤៣នាទីយប់ ភ្នែករបស់ខ្ញុំកាន់តែរលីវទៅៗ ហាក់ដូចជាគ្មានអារម្មណ៍អ្វីនឹងតស៊ូសំរាប់ថ្ងៃចាស់នេះតទៅទៀត (ខ្ញុំត្រូវតែគេង ហើយទទួលយកអារម្មណ៍បន្តសំរាប់ថ្ងៃថ្មីមួយទៀតរបស់ខ្ញុំ ) ម៉ោង១២ និង ៥៨នាទីយប់ ខ្ញុំក៏បានគេងលក់ជាស្ថាបពរតែម្តងទៅ >.^!
ថ្ងៃថ្មីនៅសាលារៀន....
ខ្ញុំបានជួបជាមួយនឹងក្មេងស្រីម្នាក់ ដែលជាសិស្សរៀននៅក្នុងថ្នាក់ជាមួយនឹងគ្នា មិនយូរប៉ុន្មាន នាងនឹងខ្ញុំក៏បានស្គាល់គ្នា បន្ទាប់ពីគ្រូបន្ទុកថ្នាក់បានចែកវេនបោសសំអាត ចំថ្ងៃជាមួយនឹងនាង នៅឯតារាងបាល់ទះ ខាងក្រោយអាគារ ហើយក៏បានភ្ញាក់ផ្អើលនឹងសំលេង អ្វីម្យ៉ាងដែលបានធ្លាក់មកពីខាងលើអាគារ ថ្នាក់ទី១១z យ៉ាងសន្ធឹង បីដូចជាស្នូរគ្រាប់កំាភ្លើង យ៉ាងដូច្នោះ ហើយក៏ប្រញាប់ទំលាក់អំបោសចេញពីដៃ បែរមុខទៅខាងក្រោយ យ៉ាងរន្ធត់ចិត្ត ស្ទើរតែនឹងគាំងសន្លប់ភ្លាមនៅនឹងកន្លែង....
ព្រោះតែបានឃើញក្មេងស្រីម្នាក់ ដែលទើបតែប៉ុន្មាននាទីមុននេះ កំពុងតែបោសសំអាតទីធ្លាតារាងបាល់ទះជាមួយនឹងខ្ញុំសោះ ត្រូវបានសាកសព្វ របស់ក្មេងស្រីម្នាក់ទៀតធ្លាក់មកសង្កត់ចំពីលើខ្លួនរបស់នាង យ៉ាងរន្ធត់ ដៃរបស់ក្មេងស្រីទាំងពីរនោះបានខិតខំ កំរើកឡើងមកហើយបក់ដៃ ហៅអោយខ្ញុំជួយ... តែចំលែកអីពេលនេះ ផ្ទៃមេឃទាំងមូល ស្រាប់តែបានប្រៃក្លាយទៅជាងងឹតសូន្យសុងបាត់អស់ទៅវិញ ពេលនេះខ្ញុំមិនដឹងឡើយ ថាខ្ញុំកំពុងតែនៅទីណានៃពិភពមួយដែលគ្មានមានអ្វីទាល់តែសោះ មានតែក្មេងស្រីពីរនាក់នោះទេ ដែលបានក្រោកឈរឡើងដំនាលគ្នា ដើរសំដៅមករកខ្ញុំព្រមគ្នា.... >.<
ខ្ញុំបានឈរមើលពួកនាងទាំងពីរដោយកាយវិការ រញាក់រញ័រ សព្វទាំងប្រាណ...បន្ទាប់ពីសង្កេតឃើញមុខមាត់របស់ពួកនាង មានភាពស្រដៀងៗគ្នា ឥតខ្ចោះត្រង់ណានោះសោះឡើយ... ពួកនាងបានដើរ បស់ជំហ៊ានមួយៗលបៗដោយកន្រ្តាក់ដៃកន្ត្រាក់ជើង ប្រៀបដូចជាខ្មោច ហ្សូមប៊ី នៅក្នុងរឿងកុនបរទេស ទាំងសំលៀកបំពាក់ប្រលាក់សុទ្ធតែឈាមក្រហមច្រាល ហើយបានកាច់ដៃរបស់ខ្លួនឯងចេញពីស្មាខាងស្តាំ ហាក់បីដូចជាចង់ ធ្វើជាអាវុធមកប្រយុទ្ធជាមួយនឹងខ្ញុំ ជំហ៊ានរបស់នាងទាំងពីរកាន់តែឈានមក កាន់តែជិតខ្លួនរបស់ខ្ញុំធ្វើអោយខ្ញុំ អស់កំលាំងកាយពីខ្លួនប្រៀបដូចជាត្រូវអ្វីមកចងសង្កត់ជាប់ នៅនិងកន្លែង ជង្គង់របស់ខ្ញុំបានទន់ទាបជាប់ទៅនឹងដី សងំទ្រឹងនៅមួយកន្លែង ដោយមិនអាចធ្វើអ្វីបានទាល់តែសោះ... តែអ្វីដែលខ្ញុំគិតឃើញនាពេលនេះគឺ “ មុននេះបន្តិចខ្ញុំ បានកាន់អំបោសវែងមួយ នៅនឹងដៃ “ ក្រោយពីបាននឹកឃើញ ចំនុចទាំងនេះហើយ ខ្ញុំក៏ប្រញាប់ប្រមូលកំលាំងទាំងដៃស្រវេស្រវ៉ា រកដងអំបោសដែលខ្ញុំបានទម្លាក់ចោលអំម្បាញមិញ មកធ្វើជាអាវុធ ដើម្បីការពារខ្លួន តែអ្វីៗគ្រប់យ៉ាង ដែលខ្ញុំព្យាយាមធ្វើ វាក៏ប្រែក្លាយទៅជាចំនុចសូន្យ បន្ទាប់ពីព្រលឹង របស់ក្មេងស្រីទាំងពីរបានរលាយចេញបាត់ពីមុខរបស់ខ្ញុំមួយរំពេច >.< ពន្លឺភ្លើងព្រៀកៗ ក៏បានជះចំនឹងកែវភ្នែករបស់ខ្ញុំទាំងសងខាង សឹងតែនិងខ្វាក់បាត់ទៅហើយ...
ខ្ញុំបានត្រឹមតែ ខំកំរើកភ្នែកទាំងពីររបស់ខ្ញុំឡើងមក រួចព្យាយាមមើលទៅកាន់ជុំវិញខ្លួនដោយភាពមរមីមរមើរ នូវអ្វីដែលបានឃើញ គឺ បងប្រុសរបស់ខ្ញុំគាត់បានចូលមកបើកភ្លើង បន្ទប់គេងរបស់ខ្ញុំតាំងតែពីពេលណាក៏មិនដឹង អ្វីដែលខ្ញុំដឹង គឺ ត្រឹមតែ ទម្លាប់បងប្រុសរបស់ខ្ញុំយប់នេះចូលផ្ទះពាក់កណ្តាលយប់ទៀតហើយ ថ្ងៃស្អែកគាត់ប្រាកដជាមានរឿងល្អមើលជាមួយនឹងម៉ាក់ខ្ញុំជាក់ជាមិនខាននោះទេ! ហាហាហហាហាហហាហហាហាហា >.^!!!
គ្រាន់តែជារឿងប្រឌិត ដែលអ្នកនិពន្ធបានលើកឡើងជាការកំសាន្តដល់អារម្មណ៍របស់អ្នក J
និពន្ធនឹងរៀបរៀងដោយ វឌ្ឍនៈ
រក្សាសិទ្ធដោយ My High School life Diary
